პპკ_ის და სხვა პორტატიული მოწყობილობების აღწერა

პორტატიული პერსონალური კომპიუტერი (პპკ) პირველი პპკ-ები მძიმე და ძვირადღირებულნი გახლდათ. დღესდღეობით პპკ-ები სარგებლობენ დიდი პოპულარობით, რამეთუ სულ უფრო განვითარებადმა ტექნოლოგიებმა მიგვიყვანა მათი ღირებულებისა და წონის შემცირებასა და ფუნქციური შესაძლებლობების გაზრდასთან. მრავალ პპკ-ში გვხვდება დამატებითი ვიდეოპორტი, პორტი FireWire, ინფრაწითელი პორტი ან ჩაშენებული კამერა.

      ჯიბის პერსონალური კომპიუტერები (ჯპკ) და სმარტფონები ჯპკ-ები და სმარტფონები ხელით სამართავი მოწყობილობებია, რომელთა პოპულარობა უფრო და უფრო იზრდება. ჯპკ-ებში არის ჩაშენებული თამაშები, ვებძიების ფუნქციები, ელექტრონული ფოსტა,  მყისიერი შეტყობინებების გაცვლის სისტემა და სხვა შესაძლებლობები. სმარტფონები გახლავთ მობილური ტელეფონები, რომლებსაც აქვთ ჯპკ-ის მსგავი მრავალი ფუნქცია. ჯპკ-ებსა და სმარტფონებში შესაძლებელია პპკ-ის მსგავსი პროგრამების შესრულება.

      პორტატიული პერსონალური კომპიუტერის გამორჩეული თავისებურება მისი კომპაქტური ზომაა. მის პატარა კორპუსში თავსდება კლავიატურა, ეკრანი და შიდა კომპონენტები. პპკ-ის პოპულარობის მიზეზია აგრეთვე მობილურობა. აკუმულატორი, რომელიც იმუხტება, აძლევს საშუალებას პპკ-ს იმუშაოს ელექტრო ქსელიდან გამორთვის შემდეგაც.

      პპკ-ების თავდაპირველი მომხმარებლები უმეტესად ბიზნესმენები იყვნენ, რომელთათვისაც მეტად მნიშვნელოვანი იყო ოფისის გარეთაც ადვილად მისაწვდომი ჰქონოდათ მონაცემები.

პპკ-ის შეზღუდული გამოყენება აიხსნებოდა მათი მაღალი ფასით და უფრო იაფ სამაგიდო სისტემებთან შედარებით ნაკლები შესაძლებლობებით.

      დღესდღეობით პპკ-ების ფასმა დაიწია, ხოლო ფუნქციური შესაძლებლობები გაფართოვდა. უკვე პპკ-ები სამაგიდო კომპიუტერების რეალურ ალტერნატივას წარმოადგენენ.

      ქვემოთ ჩამოთვლილია პპკ-ების უფრო მეტად გავრცელებული გამოყენების სფეროები:

    • მონაცემების კონსპექტირება სასწავლო დაწესებულებებში ან    

      დაბეჭდილი ინფორმაციის შესწავლისას

    • სამუშაო შეხვედრებზე ინფორმაციის წარმოდგენა

    • ინფორმაციასთან წვდომა ბინიდან ან ოფისიდან დაშორებით

    • თამაშები მოგზაურობისას

    • საზოგადოებრივი თავშეყრის ადგილებში ინტერნეტში ჩართვა

    • ელექტრონული ფოსტის მიღება და გაგზავნა საზოგადოებრივი თავშეყრის ადგილებში

      ჯპკ გახლავთ ელექტრონული პერსონალური ორგანიზატორი, რომელსაც აქვს ინფორმაციის სისტემატიზირებისთვის საჭირო ინსტრუმენტები:

    • მისამართების წიგნაკი

    • კალკულატორი

    • მაღვიძარა

    • ინტერნეტთან კავშირი

    • ელექტრონული ფოსტა

    • გლობალური პოზიციონირების სისტემა

       სმარტფონი არის მობილური ტელეფონი, რომელიც აღჭურვილია ჯპკ-ის ფუნქციებით. სმარტფონები თავის თავში აერთიანებენ მობილური ტელეფონისა და კომპიუტერის ფუნქციებს. კვლავაც გრძელდება სმარტფონებისა და ჯპკ-ების ტექნოლოგიების გაერთიანება.

სმარტფონები შესაძლებელია აღჭურვილი იყოს შემდეგი დამატებითი მოწყობილობებითა და ფუნქციებით:

   • ჩაშენებული კამერა

   • დოკუმენტებთან წვდომა

   • ელექტრონული ფოსტა

   • შეკუმშული (შემცირებული) ჩანაწერი

   • ტელევიზორი

     ჯპკ-ებსა და სმარტფონებთან დაკავშირება ხორციელდება Bluetooth ტექნოლოგიის ან კაბელური USB-შეერთების დახმარებით.